Një aksident i rëndë është regjistruar në Tiranë ku dy automjete janë përplasur me njëra- tjetrën dhe si pasojë janë plagosur 6 fëmijë të mitur.
Sipas njoftimit paraprak të Policisë, ngjarja ka ndodhur rreth orës 19:05 në zonën e Vaqarrit. Automjeti që drejtohej nga shtetasja me inicialet Xh. Sh. është përplasur me një tjetër automjet me drejtues shtetasin A. P.
Si pasojë e përplasjes, janë dëmtuar 6 fëmijë të moshës 6–10 vjeç, të cilët ndodheshin pasagjerë në automjetin e drejtuar nga shtetasja Xh. Sh., si dhe vetë kjo e fundit.
Të lënduarit janë transportuar në spital, ku po marrin trajtim mjekësor dhe ndodhen jashtë rrezikut për jetën.
Grupi hetimor po punon për të zbardhur rrethanat dhe shkaqet e aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
