Gjykata e Posaçme ka lënë në fuqi masat e sigurisë të dhënë më herët për 23 personat të vënë nën akuzë për kultivim dhe trafikim kanabisi në zonën e Skraparit. Në vendimin e sotëm, gjykata ka lënë në qeli 16 persona, 4 “arrest në shtëpi” dhe 3 “detyrim paraqitje”.
Të akuzuarit e kësaj dosje, u arrestuar gjatë një megaoperacioni të zhvilluar ditën e djeshme në zonën e Skraparit. SPAK thnjoftoi se në aktivitetin kriminal janë të përfshirë policë dhe funksionarë publikë, duke nisur nga shefi i Policisë Poliçan Neritan Naska, tek administratori i Njësisë Administrative Tërpan Edmond Zotko, apo kryeplaku i Çorrogjafit Fatos Lamaj. Për shefin e Poliçanit, GJKKO ka dhënë masën e sigurisë “arrest në shtëpi”.
Sipas, SPAK janë administruar prova nga të cilat ka rezultuar se një grup personash, të cilët vepronin në zonën e Skraparit, kanë kryer veprat penale të “Kultivimit të bimëve narkotike”, “Prodhimi dhe shitja e narkotikeve”, kryer në formën e posaçme, atë të “Grupi i strukturuar kriminal”, si dhe veprën penale “Pastrimi i produkteve të veprës penale apo veprimtarisë kriminale”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
