Plagosi çiftin e bashkëshortëve në Kavajë, vihet në pranga dhe gjendet arma e fshehur

Vihet në prangat e policisë autori i dyshuar i plagosjes së fqinjëve të tij, një çift bashkëshortësh në fshatin Gosë të Kavajës.

Efektivët e policisë gjetën të fshehur në një mur dhe sekuestruan në cilësinë e provës materiale armën e zjarrit tip pistoletë, me të cilën dyshohet se autori ka plagosur shtetasit Sami Disha dhe Nadire Disha.

Po në vijim të veprimeve specialistët për Hetimin e Krimeve të Rënda të DVP Durrës, arrestuan në flagrancë shtetasin Shpëtim Osma, 56 vjeç, pasi ky shtetas dyshohet se plagosi me armë zjarri dy komshinjtë e tij gjatë një konflikti për motive të dobëta.

Lidhur me këtë ngjarje hetimet janë në vijim, ndërkohë që materialet iu referuan Prokurorisë për ndjekje të mëtejshme.