Një aksident rrugor i katërfishtë ka ndodhur mbrëmjen e sotme në autostradën Fier-Lushnje, pranë fshatit Vajkan.
Katër makina janë përplasur me njëra-tjetrën, ku shkak dyshohet se është bërë një gomar i cili dyshohet se i ka prerë rrugën automjeteve.
Përplasja e parë shkaktoi një varg përplasjesh ku u përfshinë katër automjete. Për shkak të këtij aksidenti, trafiku u bllokua për disa minuta, duke shkaktuar vonesa të mëdha për drejtuesit e automjeteve.
Në vendngjarje ka mbërritur policia për të zbardhur shkaqet si dhe një automjet zjarrfikës, që po punon për të pastruar rrugën nga mbetjet e këtij aksidenti.
Fatmirësisht nuk raportohet për persona të plagosur ndërsa nga përplasja ka vetëm dëme të konsiderueshme materiale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
