Një person është plagosur me thikë mbrëmjen e sotme në qytetin e Vlorës.
Plagosja ka ndodhur rreth orës 20:27, në lagjen “15 Tetori”, ku dyshohet se për motive të dobëta, A. R., 51 vjeç, person me precedent penal, ka plagosur me thikë Xh. K., 41 vjeç, banues në lagjen “24 Maji”.
Pas plagosjes i dyshuari është larguar nga vendi i ngjarjes.
Ndërkohë 41-vjeçari Xh. K. ndodhet në Spitalin Rajonal Vlorë, nën kujdesin e mjekëve, në gjendje të rënduar shëndetësore.
Grupi hetimor ndodhet në vendngjarje dhe po punon për kapjen e autorit të dyshuar, si dhe për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
