Një 58-vjeçar me banim në Sassuolo të Italisë, i përplasur nga një makinë mbrëmjen e së hënës 19 dhjetor, ndërroi jetë në spitalin e Baggiovara, pasditen e së mërkurës.
Viktima është Zyhdi Hyka, pësoi dëmtime të shumta nga goditja e pësuar nga një makinë Audi Q3, e cila drejtohej nga një 25-vjeçar nga Sassuolo.
Shqiptari u dërgua me urgjencë në terapi intensive, por pasditen e së mërkurës mjekët konstatuan ndërprerjen e funksionit të trurit, duke shkëputur makineritë që e mbanin në jetë.
Drejtuesi i mjetit po hetohet nga Prokuroria e Modenas, ndërkohë që pritet të bëhet autopsia e trupit.
Mediat italiane raportojnë se Hyka, prej tre muajsh ishte vendosur në Itali me gruan e tij, duke përmbushur kështu ëndrrën për t’u bashkuar përgjithmonë me dy vajzat dhe djalin e tij, të cilët prej 16 vitesh jetojnë në Sassuolo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
