Komisioni i Pavarur i Kualifikimit ka konfirmuar në detyrë kreun e Gjykatës së Posaçme kundër Krimit të Organizuar dhe Korrupsionit, Sandër Simoni.
Figura e Simonit u analizua në të tre shtyllat e vlerësimit. Sipas trrupës gjykuese të përbërë nga Brunilda Bekteshi, Roland Ilia dhe Olsi Komici, Simoni e justifikon pasurinë dhe ka rezultuar pozitiv në dy shtyllat e tjera të kontrollit: aftësisë profesionale dhe pastërtia e figurës.
Verifikimet për Simonin kanë nisur në maji të vitit 2018.
Sandër Simoni ka mbaruar Shkollën e Magjistraturës në vitin 2000 dhe ka punuar fillimisht si gjyqtar në Gjykatën e Shkodrës. Në dhjetor 2003, Simoni u emërua gjyqtar i Gjykatës së Krimeve të Rënda dhe në vitin 2004 u vendos në krye të kësaj gjykate. Paralelisht me punën si gjyqtar, Simoni është angazhuar në mësimdhënie si në Shkollën e Magjistraturës ashtu edhe në Fakultetin e Drejtësisë. Në fund të vitit 2019, Simoni u caktua përkohësisht kryetar i Gjykatës së Posaçme kundër Korrupsionit dhe Krimit të Organizuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
