Një 58-vjeçar ka humbur jetën në Lushnje pasi ka rënë nga kati i tretë i banesës së tij. Burime nga policia bëjnë të ditur se viktima është Albert Taullau, 58 vjeç.
Ngjarja ka ndodhur rreth orës 10:35, në lagjen “Loni Dhamo” të qytetit, ku 58-vjeçari dyshohet se ka rënë nga kati i tretë i shtëpisë ku banonte.
Mësohet se në vitin 2019 në këtë banesë viktimës iu vendos tritol, megjithëse autorët nuk u gjendën, dyshimet ranë mbi anëtarët e bandës së Aldo Bares.
Familja Taullau është në konflikt të hershëm me këtë bandë, pasi një nga vëllezërit e tij Baki Taullau, në 2005, është vrarë.
Ne 2018 vëllait tjetër, Sajmir Taullaut iu bë atentat në lokalin e tij bar kafe, por i shpëtoi plumbave. Ndërsa djali i viktimës së sotme, Klajdi Taullau ndodhet në burg, pas arrestimit disa muaj më parë.
Në vendngjarje ndodhet grupi hetimor dhe po punon për zbardhjen e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
