31 korriku, Dita Botërore e Rojeve Mjedisore/ Rama: Shumë nga ta po luftojnë me zjarret e ditëve të fundit

Rojet mjedisore në mbarë botën festojnë sot ditën e tyre.

Rangers (Inspektorët e Parkut), janë një figurë kyçe në ruajtjen dhe mbrojtjen e parqeve.

Ata sigurojnë që vizitorët të njohin, zbatojnë dhe respektojnë rregullat e frekuentimit, kujdesen për mbrojtjen e florës dhe faunës, për parandalimi i zjarrit, ruajtjen e hapësirave publike, infrastrukturës, veprave të artit dhe mobilimit urban në parqe.

Në Ditën Botërore të Rojeve Mjedisore, kryeministri Edi Rama solli shembullin e Erind Zallit, që është kthyer nga Shtetet e Bashkuara për t’iu përkushtuar maleve e për t’u kujdesur për jetën e gjallë të Parkut Kombëtar të Alpeve të Shqipërisë.

Në Ditën Botërore të Rojeve Mjedisore, përmes shembullit të Erindit që është kthyer nga Shtetet e Bashkuara për t’iu përkushtuar maleve e për t’u kujdesur për jetën e gjallë të Parkut Kombëtar të Alpeve të Shqipërisë, duke shoqëruar e begenisur turistët, që përfaqëson qindra kolegë të tij në të gjitha Zonat e Mbrojtura të vendit, roje mjedisore të cilët jetën në harmoni me natyrën e kanë kthyer në lajtmotiv teksa shumë prej tyre po luftojnë me zjarret e këtyre ditëve.

 Dita Botërore e Rangers-ave festohet çdo vit më 31 Korrik dhe organizohet nga Shoqatat e Federatës Ndërkombëtare të Ranger (IRF), Thin Green Line Foundation, si dhe nga organizata, shkolla dhe individë që mbështesin punën e Rangers-ave dhe IRF në mbarë botën.