Ish-ministri i Shëndetësisë Ilir Beqaj do të vijojë të qëndrojë në qeli në vijim të hetimeve ndaj tij.
Gjykata për Korrupsionin dhe Krimin e Organizuar rrëzoi paraditen e sotme kërkesën për revokimin e masës së sigurisë lidhur me dosjen SASPAK, që ka të bëjë me vjedhjen e fondeve me projektet e Bashkimit Europian, gjatë kohës që institucioni i menaxhimit të fondeve europiane drejtohej nga Beqaj.
Ish-ministri ndodhet pas hekurave që nga korriku i vitit 2024, pasi akuzohet nga SPAK për shpërdorim detyre dhe abuzim me fonde publike dhe të huaja, si në aferën e sterilizimit ashtu edhe në menaxhimin e projekteve me donatorë.
Në çështjen e njohur si “SASPAC”, dyshohet se fondet ndërkombëtare të cilat menaxhoheshin prej tij janë përdorur në mënyrë jo të rregullt dhe jo transparente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
