Këta që po shikoni në foto janë adoleshentë nga Laçi, që janë ndaluar nga policia italiane, në Padova, pasi akuzohen për plot 50 grabitje në zonë. Mediat lokale shkruajnë se secili në këtë grup ishte i “specializuar” në një detyrë të caktuar.
Dikush bënte rojë, një tjetër futej në apartamente dhe vidhte objekte dhe bizhuteri të çmuara, një tjetër i merrte këto të fundit dhe i fshihte, ndërsa të tjerë i shisnin në kampet e romëve në Milano. Me paratë që fitonin ata bënin jetë luksi.
Prokuroria ka lëshuar 9 urdhra ndalimi për pjesëtarë të këtij grupi, të gjithë të moshës 17-26 vjeç. Hetuesit thonë se shumica e pjesëtarëve të këtij grupi kanë mbërritur në Itali të pashoqëruar nga prindërit dhe janë të moshës 15-16 vjeç dhe janë të gjithë nga qyteti i Laçit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
