Një vatër masive zjarri është aktivizuar pak minuta më parë ku një sipërfaqe e konsiderueshme toke është djegur në kahun e poshtëm të rrugës në vendin e quajtur Votuca, poshtë fshatit Picar në Gjirokastër.
Zjarri është favorizuar dhe nga era e fortë duke u përhapur me shpejtësi.
Menjëherë në vendngjarje kanë shkuar forcat zjarrfikëse me në krye vetë kreun e kësaj drejtorie z.Pëllumb Shalari, drejtorin e pyjores z.Adriatik Onjea si dhe forca policie.
Dyshohet se zjarri është i qëllimshëm i ndezur nga barinj të zonës.
Rastet e zjarreve kanë qenë të shpeshta gjatë ditëve të fundit kryesisht në zonat rurale në qarkun e Gjirokastrës.
Rikujtojmë se zjarret masive të muajit gusht shkaktuan 2 viktima dhe qindra hektarë tokë dëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
