Këshilli i Lartë Gjyqësor vendosi sot të sigurojë mbrojtje fizike për gjyqtarin e Shkodrës, Tonin Sterkaj, në derën e banesës së të cilit ndodhi një shpërthim me tritol.
Garda e Republikës do mbrojë Sterkajn dhe familjen e tij për një periudhë 6 mujore. Dyshohet se ngjarja lidhet me detyrën e gjyqtarit.
Gazetari Besmir Pula në një raportim për MCN Live tha: “Mbledhja zgjati për 40 minuta ku u mor vendimi për mbrojtjen e gjyqtarit Tonin Sterkaj. Në vendim është marrë që të paktën për 6 muaj gjyqtarët dhe familjarët e tij të jenë në mbrojtje. Në një deklaratë për shtyp ministri Balla dënoi aktin e rëndë, duke e quajtur një akt intimidues ndaj punës së gjyqtarit dhe drejtësisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
