Policia e Hasit ka arrestuar 2 të rinj të cilët akuzohen se kanë grabitur një shumë parash në banesën e një shtetaseje.
Në prangat e policisë kanë rënë A. C., 18 vjeç, banues në fshatin Cahan dhe K. Ll., 20 vjeç, banues në fshatin Kishaj.
Njoftimi: Vodhën një shumë parash në banesën e një shtetaseje, si rezultat i veprimeve të shpejta nga Policia, identifikohen, kapen dhe vihen në pranga 2 autorët e dyshuar.
Si rezultat i hetimeve profesionale dhe intensive, për të identifikuar dhe nxjerrë përpara përgjegjësisë penale, autorët të cilët kryejnë vepra penale në fushën e vjedhjes të pronës, specialistët për Hetimin e Krimeve të Komisariatit të Policisë Has, pas kallëzimit të një shtetaseje, për vjedhjen e një shume parash, në banesën e saj, kapën dhe vunë në pranga shtetasit:
A. C., 18 vjeç, banues në fshatin Cahan dhe K. Ll., 20 vjeç, banues në fshatin Kishaj.
Nga veprimet hetimore dyshohet se këta shtetas, në bashkëpunim me njëri-tjetrin, më datë 15.01.2024, rreth orës 23:30, në fshatin Golaj, kanë vjedhur në banesën e një shtetaseje, një shumë parash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
