Një 54-vjeçare ra në prangat e policisë pasi u kap duke transportuar 3 emigrantë të paligjshëm në Gjirokastër.
Në vendin e quajtur ‘Ura e Kardhiqit’, shërbimet e policisë i kanë bërë shenja ndalimi automjetit tip ‘Mercedens Benz’ me drejtuese 54-vjeçaren, Floranda Obzova e cila nuk i është bindur urdhrit të efektivëve dhe është larguar me shpejtësi.
Pas ndjekjes dhe ndalimit të automjetit nga shërbimet e Policisë, rezultoi se Obzova ishte duke transportuar me automjetin tip "Mercedes Benz", 3 emigrantë të paligjshëm nga vendet MENA, kundrejt fitimit.
Në cilësinë e provës materiale u sekuestruan automjeti, 1 aparat celular dhe një shumë parash.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
