Një sasi prej 892 mijë paketa cigaresh kontrabandë janë kapur ditën e sotme në doganën e Hanit të Hotit në Shkodër.
Drejtori i Përgjithshëm i Doganave, Gjon Bardhi, ka deklaruar se ishin pa pullë fiskale, dhe nëse do të ishin hedhur në treg do duhej të paguhej 1.1 milionë euro si detyrim doganor.
"Strukturat e administratës kanë sekuestruar 892 mijë paketa cigare në pikën kufitare të Hanit të Hotit në Shkodër. Strukturat e doganave kontrolluan në kamion, ku ishte kjo sasi e llojit 'President Slims'. E gjithë ngarkesa ishte e papajisur me pullë fiskale apo të një shteti tjetër. Nëse do hidhej në treg, vlera e detyrimeve doganore kap vlerën që duhet të paguhej, 140 mln lekë ose 1.1 mln euro.
U referua rasti në Prokurorinë e Shkodrës. Në bashkëpunim me prokurorinë në Shkodër, po kryhen veprime hetimore. Ky nuk është rasti i parë, sidomos për mallrat që paguajnë akcizë", tha Drejtori i Përgjithshëm i Doganave, Gjon Bardhi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
