Vrasja e shefit të antidrogës në Policinë e Ulqinit në Malin e Zi, vijon të jetë në faqet e para në mediat malazeze. Sipas tyre, arma me të cilën është kryer vrasja e Rudolf Elezoviq nuk është gjetur ende edhe pse kërkimet kanë qenë të shumta.
Pranë trupit nuk është gjetur asnjë provë në ndihmë të grupit hetimor. Hetuesit dyshojnë se shefi i antidrogës së Ulqinit dhe Tivarit është ekzekutuar në një vend tjetër dhe më pas është çuar buzë lumit Buna. Fillimisht u dyshua se Elezoviq ishte vetëvrarë, por pas hetimeve dhe kqyrjes së plagës, u arrit në konkluzionin se ai ishte ekzekutuar. Anëtarët e policisë kufitare gjetën trupin e pajetë të oficerit të policisë në lumin Buna, pranë fshatit Shëngjergj në Shkodër, zhdukja e të cilit u raportua më 27 maj.
Zhdukja e Elezoviç u raportua nga gruaja e tij, pasi ai humbi gjurmët mes kufirit ujor të Shqipërisë me Malin e Zi në afërsi të Pentarit dhe Reçit në lumin Buna, ndërsa ka dyshime se ka bashkëpunuar me trafikantët për lejimin e kalimit të sasive të mëdha të drogës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
