Gjykata e Tiranës ka caktuar masën arrest me burg për Xherxh Laçin, i njohur edhe me emrin Gjergj Laçi, i cilësuar nga policia si ‘radikalist’, pasi mbajti të ngujuar familjen për 6 vjet.
Në seancë ai ka pretenduar se nuk ka ushtruar dhunë ndaj dy djemve dhe gruas, teksa sipas tij nuk i ka penguar që të dalin jashtë.
Për arsyen pse nuk i dërgon dy të miturit në shkollë, deklaroi se nuk kanë asnjë nevojë. Ka pretenduar se është i pafajshëm dhe se fishekët dhe thikat i mbante për punë.
Avokati kërkoi raport mjekoligjor nëse Laçi ka probleme te shëndetit mendor apo jo.
Krahas dëshmisë së tij, dy djemtë dhe nëna e tyre kanë treguar në prani të psikologëve se ata dhunoheshin sistematikisht.
Tashmë ata janë dërguar në një qendër rehabilitimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
