Mbetet në burg 14-vjeçari që vrau shokun dy ditë më parë në Maliq. Gjykata ka caktuar ndaj tij, të atit dhe xhaxhait masën e sigurisë arrest me burg, ndërsa në arrest shtëpie do të jetë miku i babait të autorit. Ndërkohë, katër të miturit e tjerë janë nën masën detyrim paraqitjeje nën mbikëqyrje të prindërve.
Ledian Spaho, avokati i autorit të vrasjes, Enedio Guri tha pas seancës së sotme se autori ka shprehur pendesë për ngjarjen.
"Shpreh ngushëllimet për humbjen e familjarëve. Gjykata vendosi që për autorin të caktojë masën arrest në burg. Kjo pasojë e krijuar nga konflikt i çastit, edhe pse fëmijë, gjykata vlerësoi të vlefshme arrestit, edhe për babain Edison Guri, po ashtu edhe për xhaxhain. Për të miturit e tjerë, gjykata vendosi jo të ligjshëm arrestimin, por vendosi mbikqyrjen nga prindërit dhe paraqitjen para gjykatës. Autori shprehu pendesë. Tha nuk doja të kishte këtë pasojë, se dija që veprimet e mia do krijonin këtë pasojë, shpreh ngushëllimet për familjen. Të njëjtën gjë ka deklaruar edhe babai i të miturit duke thënë se na vjen keq për pasojën."
Burime brenda sallës gjyqësore thanë se autori gjatë seancës ka folur mes lotësh. “Nuk kam dashur të bëj vrasje. Ishte grindje e çastit. Jam shumë i penduar. Ngushëllime për familjen. “
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
