Një aksident tragjik i mori jetën 35-vjeçares shqiptare Matilda Hidri në Itali, e cila gjeti vdekjen pasditen e së dielës përgjatë autostradës A7 që lidh kryeqytetin e Ligurias me Milanon.
Pak më shumë se një muaj më parë, shqiptarja kishte hapi picerinë e saj në rrugën Fieschi, në zemër të Genovas.
Matilda, e cila kishte një djalë të vogël që e priste në shtëpi, po udhëtonte me BMW-në e saj në drejtim të Genovas, kur një Volvo e bardhë u përplas me të.
Shoferi i mjetit tjetër ishte italiani Giuseppe Maria Garavaglia, 46 vjeç, i cili kishte udhëtuar në drejtimin e gabuar të autostradës për disa kilometra. Përplasja ishte aq e fortë sa u mori jetën menjëherë dy drejtuesve të mjeteve dhe përfshiu edhe një makinë të tretë që ndodhej aty pranë.
Në makinën e tretë ndodhej një 35-vjeçar, i cili u dërgua me helikopter në gjendje të rëndë në spitalin San Raffaele në Milano, djali i tij 4-vjeçar dhe një kushëri 34-vjeçar, të dy të plagosur lehtë. Më pas dy makina të tjera u përplasën me mjetet e përfshira në aksident, por asnjëra prej tyre nuk pati pasoja në njerëz.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
