Një aksident i rëndë ka ndodhur pasditen e sotme në aksin Lezhë-Shkodër. Sipas informacioneve paraprake, mësohet se janë përplasur katër automjete, ndërsa si pasojë kanë mbetur të plagosur disa persona.
Ata janë dërguar në spitalin e Lezhës, ndërsa mes të plagosurve mësohet se ka edhe fëmijë.
Një nga automjetet e përfshirë në aksident ka përfunduar jashtë rrugës, ndërsa në këtë aks rrugor është kriijuar trafik i rënduar.
Policia ndodhet në vendin e ngjarjes për të bërë të mundur normalizimin e situatës.
Njoftimi i Policisë:
Rreth orës 17:25, në aksin rrugor Shkodër-Lezhë, në fshatin Mabë, ka ndodhur një përplasje automjetesh ,ku për pasojë kanë marrë dëmtime 4 shtetas, të cilët janë transportuar në spitalin Rajonal Shkodër dhe Lezhë.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
