Një efektiv i Policisë në Durrës, është vënë në pranga nga Shërbimi I Çështjeve të Brendshme dhe Ankesave nën akuzën e “Shpërdorimit të detyrës”. Sipas SHÇBA, në prang aka rënë Nënkomisar F. S.
“Gjykata e Rrethit Gjyqësor Durrës ka marrë vendimin penal duke caktuar masën e sigurimit ‘Pezullim i ushtrimit të një detyre e funksioni public’ për shtetasin F. S., 30 vjeç, me detyrë Specialist shërbimi dhe OPGJ në sektorin e Qarkullimit Rrugor pranë DVP Durrës, i dyshuar se ka konsumuar elementët e veprës penale ‘Shpërdorim detyre’”, thuhet në njoftim.
Ky punonjës, dyshohet se në periudha të ndryshme kohore dhe në raste të përsëritura, nuk ka kryer veprime të plota hetimore sipas nenit 293/1 të Kodit të Procedurës Penale, si edhe neneve 18, 23 të ligjit për Policinë e Shtetit dhe Rregullores së Policisë së Shtetit, duke mos i referuar materialet proceduriale pranë Prokurorisë, por duke i trajtuar në mënyrë administrative.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
