Vlorë, digjet një beach-bar dhe disa çadra e shezlongë në Radhimë

Një lokal plazhi me strukturë druri është djegur gjatë orëve të natës në Radhimë të Vlorës.

Sipas informacioneve të para bëhet e ditur se shkak ishte një shkëndijë elektrike, por nuk përjashtohen pistat e tjera pasi janë djegur dhe shezllonet.

Sot, në Radhimë, dyshohet se për shkak të një shkëndije elektrike ka rënë zjarr dhe është djegur një objekt me strukturë druri (beach-bar) në pronësi të shtetases P. K., ku si pasojë janë shkaktuar vetëm dëme materiale.

Grupi hetimor po punon për zbardhjen e rrethanave të rastit dhe për përcaktimin e shkakut të rënies së zjarrit' informoi sot policia e Vlorës.