Dhunën e ushtruar ndaj gazetarit Elvis Hila dhe bashkëshortes së tij, e ka dënuar edhe Presidenti Bajram Begaj.
Në një status në Facebook, Begaj shkruan se cënimi i lirisë së fjalës dhe dhuna ndaj gazetarëve është e papranueshme, ndërsa kërkon zbardhjen e ngjarjes nga autoritetet.
“Dënoj me forcë dhunimin e gazetarit të Report TV në Lezhë, Elvis Hila dhe bashkëshortes së tij. Tek sa i uroj një shërim të shpejtë zotit Hila dhe bashkëshortes, inkurajoj institucionet shtetërore përgjegjëse të hetojnë dhe zbardhin sa më shpejt këtë ngjarje. Cënimi i fjalës së lirë, presioni dhe mbi të gjitha dhuna ndaj gazetarëve është e papranueshme në një shtet demokratik”, shkruan Presidenti Begaj.
Ndërkohë, Policia e Lezhës ka shpallur në kërkim dy autorët e dyshuar me iniciale I.(E). A. 35 vjeç, banues në Pllanë dhe P. L. 32 vjeç, banues në Manati.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
