Policia e Tiranës ka bërë të ditur se ka arrestuar një 34-vjeçar në Kamëz, i cili në gjendje të dehur, qëlloi me armë zjarri në ajër nga automjeti dhe më pas e hodhi armën në një lumë në Laknas.
Shërbimet e Komisariatit të Policisë Nr.5, pas marrjes së njoftimit se në rrugën “Xhorxh Bush” një shtetas kishte qëlluar me armë zjarri nga mjeti me të cilin qarkullonte, organizuan kapjen dhe vënien në pranga të shtetasit M.P, 34 vjeç, banues në Bulqizë.
Vijojnë kontrollet e pandërprera për gjetjen e armës së zjarrit.
Materialet procedurale i kaluan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
