Drejtoria Vendore e Policisë Shkodër bën me dije se Specialistët e Seksionit për Hetimin e Narkotikëve kanë referuar materialet në Prokurori, ku ka nisur procedimi penal për dy të mitur, të moshës 15 dhe 16 vjeç.
Gjatë kontrollit fizik, shërbimet e Policisë i gjetën 15-vjeçarit, që udhëtonte si pasagjer në një motomjet, një sasi lënde të dyshuar narkotike (kanabis), si dhe një grirëse, e ngjashme me ato që përdoren për përgatitjen e lëndëve narkotike.
Të gjitha sendet e gjetura u sekuestruan në cilësinë e provës materiale.
Ndërkohë, 16-vjeçari që drejtonte motomjetin, rezultoi se nuk kishte leje drejtimi.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme ligjore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
