Banorët e Unazës së Re protestuan sot para Gjykatës së Apelit, ku u dha masa e sigurisë për tre të arrestuarit e dy javëve më parë: Gramoz Shehu, Ilir Katiraj dhe Skënder Doda.
Banorët janë lidhur me zinxhirë para gjykatës, dhe kanë mbajtur një protestë të heshtur.
Atyre u është bashkuar edhe ish-deputeti i PD-së, Klevis Balliu, i cili e cilësoi mbajtjen e të arrestuarve në burg një veprim në shkelje të ligjit.
Sipas tij, arsyeja pse ata mbahen është që të mos dalin në protesta të tjera.
Në seancën e sotme, Gjykata e Apelit ndryshoi masën e sigurisë nga arrest me burg, në arrest shtëpie për tre të arrestuarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
