Tre shtetas shqiptarë janë dënuar nga autoritetet britanike, pasi janë kapur në një shtëpi bari në një rrugë të lartë të Kornishit mbi një ish-bankë. Vlera e lëndës narkotike, sipas policisë vendase arrinte vlerën e mbi gjysmë milioni paund.
Engjell Osmanaj, 29 vjeç, Anjelos Selamaj, 22 vjeç dhe Alban Topi, 29 vjeç, janë shqiptarët e arrestuar, ndërsa të gjithë u paraqitën në Gjykatën e Truro Croën për t’u njohur me dënimin pasi u deklaruan fajtorë për kultivimin e kanabisit.
Ndërkohë, mediat britanike shkruajnë se brenda godinës, policia gjeti një fermë të madhe kanabisi me potencial për të prodhuar kanabis në një shkallë industriale. Më shumë se 850 bimë u gjetën me vlerë 731,000 paund.
Tre të rinjtë janë shprehur se punonin për të mbajtur me para familjarët e tyre, në kushte të vështira ekonomike në Shqipëri. Akuza ka thënë gjatë gjyqit se Topi dhe Selemaj ishin kopshtarë, ndërsa Osmanaj kishte një rol më të avancuar.
Në përfundim të gjyqit, Osmanaj u burgos për 40 muaj, Selamaj 20 muaj dhe Topi 16 muaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
