Punonjësi i një lavazhi në Sarandë është vjedhur me dhunë nga një person, i cili i ka marrë një shumë parash.
Pas sinjalizimit për ngjarjen, uniformat blu organizuan punën për identifikimin dhe ndalimin e autorit të një rasti të vjedhjes me dhunë në qytetin e Sarandës.
Si rezultat, u bë i mundur ndalimi i I. A., 19 vjeç, banues në Sarandë.
Nga veprimet hetimore dyshohet se 19-vjeçari, më 31 dhjetor, në lagjen nr. 3, Sarandë, i ka vjedhur me dhunë shumën prej 400 eurosh një punonjësi lavazhi.
Materialet procedurale u referuan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
