Një ditë pas plagosjes së ndodhur në Kavajë, ku vjehrri qëlloi me thikë dhëndrin e tij, vihet në prangat e policisë i dyshuari dhe i plagosuri.
Specialistët për Hetimin e Krimeve të Komisariatit të Policisë Kavajë, në përfundim të veprimeve të kryera për ngjarjen e ndodhur pasditen e djeshme, arrestuan në flagrancë shtetasit:
Petrit Derjaj 64 vjeç, banues në Kavajë, pasi dyshohet se ka plagosur me mjet prerës (thikë), bashkëshortin e vajzës së tij, shtetasin Land Derjaj, i cili është jashtë rrezikut për jetën.
Në pranga është vënë dhe Land Derjaj, 46 vjeç, banues në Kavajë, pasi dyshohet se ka ushtruar vazhdimisht dhunë ndaj bashkëshortes së tij.
Gjithashtu, gjatë kryerjes së veprimeve procedurale nga policia, pasditen e djeshme, nuk ka kallëzuar për rrethanat dhe autorin e plagosjes.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Prodhimi, mbajtja, blerja apo shitja pa leje e armëve të ftohta”, “Dhuna në familje” dhe “Moskallëzimi i krimit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
