Drejtoria Vendore e Policisë Gjirokastër ka bërë të ditur se Sektori i Policisë Rrugore arrestoi në flagrancë shtetasin R. M., 34 vjeç, banues në Lazarat.
I njëjti gjatë natës së mbrëmshme, në aksin rrugor "Gjirokastër-Kakavijë", me automjetin që drejtonte në gjendje të dehur është përplasur me automjetin që drejtonte shtetasi M. K., (punonjës policie, jashtë shërbimit), 64 vjeç, banues në Gjirokastër. Si pasojë e aksidentit ka patur vetëm dëme materiale.
Me shtetasin M. K., janë kryer veprime administrative nga Policia Rrugore.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
