Shqetësimi që ngrihet për KLGJ dhe KLP është mungesa e transparencës, në kuptim të pamundësisë për të ndjekur mbledhjet, por edhe zbardhjet e vendimeve. Në një intervistë për MCN TV, Ilda Dushi, koordinatore projekti dhe avokate prane Komitetit Shqiptar të Hesinkit, tha se në raport me transparencën e këshillave gjatë monitorimit kanë rezultuar disa problematika. Kjo lidhet edhe me pandeminë, e cila e ka zhvendosur punën online duke e vështirësuar publikimin e akteve.
“Në monitorimin që ne po kryejmë, Komiteti i Helsinkit po monitoron Këshillat dhe deri tani kanë rezultuar disa probleme në raport me transparencën e këshillave. Me justifikimin e pandemisë, e gjithë puna e këshillave është kthyer në punë online. Puna online reflektohet në atë sesa ata arrijnë që të publikojnë në faqen e tyre aktet. Është vënë re një vështirësi në monitorimin real të mbledhjeve plenare të këshillave, sepse pjesa më e madhe e tyre bëhen jo live. Ka edhe një problematikë në raport me prezantimin e planeve strategjike të këshillave”, tha Dushi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
