Eralbi Brecani, djali i ish-zyrtarit të policisë Erzen Breçani, është ekstraduar nga Spanja drejt Shqipërisë, ku do të përballet me drejtësinë për akuzat e trafikut të kokainës dhe pjesëmarrjes në grup kriminal.
Brecani ishte shpallur në kërkim në kuadër të hetimeve ndaj një organizate të dyshuar kriminale që akuzohet për trafikimin e sasive të mëdha të lëndëve narkotike. Ai u vetëdorëzua disa kohë më parë pranë autoriteteve spanjolle, duke hapur rrugën për procedurat e ekstradimit.
Sipas hetimeve, grupi kriminal dyshohet se drejtohej nga Ervin Mata, i cili u arrestua pak kohë më parë në Brazil. Autoritetet shqiptare dhe partnerët ndërkombëtarë vijojnë bashkëpunimin për zbardhjen e plotë të aktivitetit të kësaj organizate dhe dokumentimin e roleve të personave të përfshirë.
Ekstradimi i Eralbi Brecanit konsiderohet një hap i rëndësishëm në vijimin e procedimeve penale ndaj anëtarëve të dyshuar të rrjetit kriminal të përfshirë në trafikun ndërkombëtar të kokainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
