Një plagosje me thikë ka ndodhur paraditen e sotme në afërsi të zonës së quajtur ‘Trekëndëshi’ në qytetin e Korçës.
E plagosur ka mbetur shtetasja Manderina Çela, e cila u dërgua në spital për ndihmë mjekësore. E dëmtuara ndodhet në reanimacionin e spitalit të Korçës, ku po i nënshtrohet një ndërhyrje, pasi ka marrë dëmtime midis mjekrës dhe qafës. Raportohet se gjendja e saj është e stabilizuar.
Policia ka arritur të identifikikojë autorin e ngjarjes, të dyshuarin I. Cani i cili është larguar nga vendngjarja pas plagosjes por më pas u arrestua.
Korçë/Informacion paraprak
Rreth orës 10:00, në lagjen nr. 4, shtetasi I. Ç., 41 vjeç, dyshohet se ka goditur me mjet prerës thikë shtetasen M. Ç., e cila u dërgua për mjekim, në spital, dhe është jashtë rrezikut për jetën. Autori i dyshuar, shtetasi I. Ç.(i arrestuar dhe më parë për përndjekje të kësaj shtetaseje), është kapur nga shërbimet e Policisë dhe është shoqëruar në ambientet e Komisariatit të Policisë Korçë, për veprime të mëtejshme procedurale. Grupi hetimor po punon për sqarimin e rrethanave dhe dokumentimin ligjor të rastit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
