Një ngjarje e rëndë ka ndodhur mesditën e sotme në Tiranë, ku një fëmijë është mbytur në liqenin e Farkës në kryeqytet.
Sipas policisë, djaloshi ishte i moshës 12-vjeçare dhe kishte hyrë në liqenin e Farkës për t’u larë me shokët e tij, por fatkeqësisht nuk ka mundur të dalë më dot prej aty.
"Më datë 05.06.2018, rreth orës 14:25, jemi njoftuar se tek Diga e Liqenit në Farkë është mbytur një fëmijë i mitur. Paraprakisht dyshohet që fëmija i mitur me iniciale D.D., i moshës rreth 12 vjeç, të ketë qenë duke luajtur së bashku me fëmijë të tjerë në zonën e liqenit dhe është mbytur aksidentalisht", bën me dije policia.
Në vendngjarje kanë shkuar shërbimet e policisë si dhe janë njoftuar polumbarët e Reneas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
