Punonte në ndërtim në Maqedoni, bie nga lartësia dhe humb jetën i riu shqiptar

Një 24-vjeçar shqiptar ka humbur jetën këtë të shtunë në Maqedoninë e Veriut ku ka rënë nga një lartësi.

Mësohet se i riu Mirjan Kryeziu nga fshati  Zdranjsh në Librazhd, ka qenë duke punuar në ndërtim në një lagje të Shkupit ku ka rënë nga ndërtesa tre katëshe.

Ndër të tjera mësohet se 24-vjeçari është dërguar në gjendje të rëndë në spital por fatkeqësisht ai nuk ka arritur që të mbijetojë.

Ndërkohë burimet bëjnë me dije se i riu shqiptar kishte rreth dy muaj që punonte në Maqedoninë e Veriut.