Ndihmoi Marklen Hakën të fshihej, mbetet në burg kushëriri  

<p>Gjykata e Tiranës caktoi masën “arrest në burg” për Klajdi Hakën, kushëririn e Marklen Hakës, i cili u arrestua dy ditë me parë në kuadër të një operacioni policor në Nikël.</p> <p>Përpara trupës gjykuese, 21-vjeçari nuk ka pranuar të flasë, apo të japë shpjegim për akuzat e ngritura ndaj tij.</p> <p>Ndaj Hakës, gjykata ka ngritur dy akuza, “armëmbajtje pa leje” dhe “përkrahje e autorit të krimit”.</p> <p>Gjatë operacionit policor për kapjen e Marklen Hakës, i cili mbahej në monitorim nga uniformat blu, ky i fundit u gjet i fshehur në banesën e Klajdi Hakës.</p> <p>Në banesën e 21-vjeçarit, shërbimet policore gjetën një armë zjarri, për këtë arsye ndaj tij u ngrit akuza e armëmbajtjes pa leje.</p> <p>Një ditë më parë, Gjykata e Posaçme Antikorrupsion la në fuqi masën “arrest në burg” të dhënë në mungesë për Marklen Hakën, i akuzuar për disa vepra të rënda kriminale.</p> <p>Ky i fundit u shpall në kërkim në kuadër të operacionit të koduar “Revanshi”.</p>