Furnizoi me naftë makinën dhe nuk bëri pagesën por u largua me shpejtësi duke rrezikuar jetën e punonjësit të karburantit, i riu me precedentë penalë për grabitje bie në prangat e policisë.
Pas kallëzimit të bërë nga punonjësi i një pike karburanti në Shupenzë, për një drejtues automjeti i cili u largua pa kryer pagesën pasi furnizoi automjetin me karburant, efektivët e policisë organizuan punën për identifikimin dhe kapjen e tij.
Si rezultat i reagimit në kohë, administrimit të pamjeve filmike dhe provave të tjera, u bë i mundur identifikimi, kapja dhe arrestimi i drejtuesit të automjetit, konkretisht shtetasi Ardjan Xheleshi, 28 vjeç, banues në Bulqizë, i dënuar më parë në Itali për grabitje dhe i dëbuar për 10 vite nga ky shtet.
28-vjeçari dyshohet se në orët e para të mëngjesit të së shtunës, në një karburant në Shupenzë, është paraqitur me një automjet tip “Benz” dhe, pasi e ka furnizuar me naftë, është larguar me shpejtësi pa kryer pagesën, duke rrezikuar edhe jetën e punonjësit të karburantit.
Në cilësinë e provës materiale u sekuestruan automjeti, si dhe një kapuç në formë maske.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
