Shpërndanin drogë në Tiranë, dy të arrestuar, një tjetër në kërkim

Policia e Tiranës ka bërë të ditur se ka goditur një tjetër rast i veprimtarisë kriminale në fushën e shpërndarjes së lëndëve narkotike në doza në Tiranë.

Shërbimet e Seksionit për Hetimin e Narkotikëve në bashkëpunim me Prokurorinë e Rrethit Gjyqësor, bazuar dhe në informacionet e mara kanë goditur një tjetër rast të veprimtarisë kriminale të prodhimit dhe shitjes së narkotikëve, ku si rezultat bënë kapjen dhe arrestimin në flagrancë të shtetasve:
J. A, 24 vjeç, pasi gjatë kontrollit të automjetit dhe banesës së tij, iu gjetën dhe sekuestruan një sasi dozash me lëndë narkotike kanabis;
E. B, 19 vjeç, pasi gjatë kontrollit fizik dhe të banesës së tij, iu gjetën dhe sekuestruan një sasi dozash me lëndë narkotike kanabis.

Këta shtetas në bashkëpunim me njëri-tjetrin, merreshin me veprimtarinë e kundërligjshëm të shpërndarjes së lëndëve narkotike në doza, në zona të ndryshme të Tiranës.
Si dhe u shpall në kërkim një shtetas, i dyshuar si bashkëpunëtori i dy shtetasve të lartpërmendur.

Materialet i kaluan Prokurorisë së Rrethit Gjyqësor Tiranë, për veprime të mëtejshme.