“Audi” përplaset me shtyllën e ndriçimit në Lushnjë, plagoset drejtuesi

Një automjet tip “Audi” është përfshirë në një aksident në daljen jugore të Lushnjës pak minuta pas mesnatës. 

Makina e drejtuar nga Aleksandro Braholli, është përplasur me shtyllën e ndriçimit rrugor në rreth rrotullimin e Savrës. 

Bazuar në informacionet paraprake, nga përplasja drejtuesi i mjetit ka marrë plagë të rënda dhe ndodhet në spitalin e Fierit. 

Sipas policisë në vendngjarje dyshohet se i riu nuk ka parë rreth rrotullimin dhe duke dalë nga qyteti i Lushnjës i ka rënë drejt për drejt aksit rrugor. 

Përplasja me shtyllën ka qenë e fortë dhe përveç dëmeve materiale të mjetit është plagosur edhe drejtuesi, por jashtë rrezikut për jetën. 

Policia ka shkuar menjëherë në vend ngjarje dhe po punon për zbardhjen e shkaqeve të aksidentit.