Policia në Krujë ka parandaluar këtë të mërkurë një krim brenda familjes. Ndërhyrja në kohë e agjentëve ka parandaluar një vrasje me armë zjarri.
Burime policore lokale bëjnë me dije se, uniformat blu kanë vënë në pranga shtetasin Genci Boja, 54 vjeç, i cili kishte planifikuar të vriste me armë zjarri bashkëshorten e tij, me inicialet L.B, me detyrë oficere policie.
Për fat të mirë ndërhyrja në kohë parandaloi gjithçka dhe gjatë kontrollit të ushtruar në mjetin e 54-vjeçarit, një furgon, është gjetur arma me të cilën do të kryente krimin, një kallashnikov dhe 40 fishekë.
Arma është sekuestruar në cilësinë e provës materiale, ndërkohë që të dhënat hetimore i kanë kaluar prokurorisë sëë rrethit, për akuzat “dhunë në familje” dhe “armëmbajtje pa leje”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
