Një 44-vjeçar është arrestuar nga Policia e Shkodrës, nën akuzën se ka ndohmiar katër shtetas nga vendet e treta të kalojnë kufirin për në Mal të Zi. Sipas informacioneve të policisë, shtetasi B. D., i kishte marrë një shumë parash katër emigrantëve të paligjshëm në vendin ton, për t’i mundësuar kalimin në kufi.
“Specialistët e Seksionit për Hetimin e Trafiqeve të Paligjshme bënë arrestimin në flagrancë të shtetasit B. D., 44 vjeç, banues në fshatin Vukël, Malësi e Madhe.Në aksin rrugor Shkodër-Hani i Hotit, në vendin e quajtur Vukpalaj, Malësi e Madhe, shërbimet e Policisë Kufitare Shkodër, kanë konstatuar se në mjetin tip “Range Rover “, që drejtohej nga shtetasi B.D, ndodheshin katër shtetas nga vendet e treta, të cilëve ky shtetas u kishte marrë një sasi eurosh me qëllim për t’i ndihmuar të kalonin në mënyrë të paligjshme kufirin për në Mal të Zi”, njoftoi policia.
Materialet i kaluan Prokurorisë së Rrethit Gjyqësor Shkodër për veprime të mëtejshme në lidhje me rastin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
