Ka ndërruar jetë 57-vjeçari Ilirian Xhani, i cili pësoi djegie të shumta një natë më parë në vendin e tij të punës. Sipas informacioneve, mësohet se viktima kishte pësuar djegie në 70% të trupit. Ilirian Xhani është me origjinë nga Përmeti, por banor i Berdeneshit.
Ngjarja e rëndë ndodhi në Sarandë, ndërsa pas ndihmës së parë në urgjencën e këtij qyteti, 57-vjeçari u dërgua me ambulancë për në Spitalin e Traumës në Tiranë.
Por ai nuk ka mundur dot të arrijë në Tiranë pasi ka humbur jetën gjatë rrugës. Mësohet se ambulanca u kthye nga rruga, ndërkohë po kryhen veprimet hetimore me qëllim zbardhjen e rrethanave të ngjarjes.
Ngjarja ndodhi mbrëmjen e së martës rreth orës 22:15, në vendin e quajtur “Ish-ushqimorja”, në Çukë, bashkia Sarandë, në një magazinë elektro-shtëpiakesh, në kabinën e vendrojës, ku qëndronte Ilirjan Xhani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
