Një aksident rrugor me pasojë plagosjen e një personi është regjistruar mëngjesin e kësaj të diele në aksin Peqin-Rrogozhinë, pranë kryqëzimit të Gjocajt.
Ngjarja ka ndodhur rreth orës 09:45, ku dy automjete janë përplasur me njëra-tjetrën. Përplasja ka qenë e fortë, duke shkaktuar dëmtime të konsiderueshme, veçanërisht në njërën prej autoveturave.
Sipas të dhënave paraprake, dyshohet se shkak i aksidentit mund të jetë bërë futja e njërit prej mjeteve në rrugën kryesore në kundërshtim me rregullat e qarkullimit rrugor.
Si pasojë e përplasjes, njëri prej drejtuesve të automjeteve ka mbetur i plagosur dhe është transportuar për të marrë ndihmë mjekësore.
Në vendngjarje kanë mbërritur shërbimet e policisë, të cilat po kryejnë veprimet hetimore për të përcaktuar shkaqet dhe rrethanat e plota të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
