U kapën në flagrancë, në një lokal të paregjistruar, duke vënë baste sportive, me celularë, vihen në pranga 3 shtetas, njëri prej tyre, pronari i lokalit.
Specialistët për Hetimin e Krimeve të Komisariatit të Policisë Kavajë, si rezultat i kontrolleve të kryera në lokale të ndryshme, në kuadër të operacionit policor të koduar “Basti i fundit", me fokus parandalimin, evidentimin dhe goditjen e rasteve të organizimit të lojërave të ndryshme të fatit, në kundërshtim me ligjin, kanë konstatuar një rast të tjetër në këtë fushë.
Shërbimet e Policisë vunë në pranga shtetasit E. H., 32 vjeç, E. Ç., 32 vjeç dhe T. O., 32 vjeç, të tre banues në Kavajë, pasi u kapën në flagrancë, teksa vinin baste sportive, me celularë, në një lokal të paregjistruar në organet tatimore, në pronësi të shtetasit E. H., në Kavajë.
Në cilësinë e provës materiale u sekuestruan 3 celularët e të arrestuarve, të cilët shërbenin për vënien e basteve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
