Shtyhet për të disatën herë gjyqi në ngarkim të ish Ministrit të Brendshëm Sajmir Tahiri . Edhe këtë herë shkak është berë mosprezenca e avokatit Maksim Haxhiaj , por sipas korrespodentit të MCN nga Elbasani, edhe vetë Tahiri nuk ka qenë në Elbasan.
Ende nuk dihet qëllimi i shtyrjeve të njëpasnjëshme të seancave për sa kohë ka qenë vetë Tahiri i cili ka kërkuar ti ulet dënimi dhe ti njihet shërbimi i provës.
Gjykata e Elbasanit ka nën juridiksion burgun e Lushnjës, ku Tahiri po vuan dënimin me tre vite e katër muaj burg.
Ish-ministri i kërkon gjykatës që të njohë kohën kur ka qenë në shërbim prove. Nëse kjo kërkesë pranohet, Saimir Tahirit do t’i ulet 1 vit e 6 muaj burg.
Ai u dënua me 3 vjet e katër muaj burg për akuzën e shpërdorimit të detyrës, mbasi gjatë kohës në krye të dikasterit të rendit Habilajt kultivuan kanabis sativa.
Çështja është rekursuar nga SPAK në gjykatën e lartë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
