Policia e Elbasanit ka arrestuar një të ri nga Durrësi pasi u kap duke transportuar 13 klandestinë nga Siria. Në kuadër të operacionit “Bradasheshi” në pranga u vu shtetasi me iniciale A. D., 22 vjeç.
Policia njoftoi se i riu po i transportonte klandestinët me një makinë të marrë me qira.
“Arrestimi i tij u bë pasi në aksin rrugor Elbasan-Peqin, në fshatin Bradashesh, Elbasan, u kap nga shërbimet e Policisë duke transportuar me një mjet të marrë me qira, 13 shtetas sirianë, për të kaluar kufirin, me destinacion vendet e BE-së”, thotë policia.
Në cilësinë e provës materiale u sekuestrua mjeti dhe dy aparate celular.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
