Gazetari Besmir Pula tha në emisionin “Fact Check” se apartamentet me qira ditore po përdoren si forma taktike nga të huajit që kryejnë krime në Shqipëri.
“Apartamentet përdoren edhe si formë taktike, për të humbur gjurmët, për të lënë sende të paligjshme, apo për të ushtruar vepra penale. Fakti që janë shtuar turistët, është shtuar probabiliteti i krimeve nga të huajit”, tha ai.
Duke folur mbi të huajit që veprojnë si vrasës me pagesë në Shqipëri, Pula tha se emëruesi i përbashkët i tyre është backround-i në fushën e krimit.
“Një emërues të përbashkët të vrasëse me pagesë në Shqipëri, bëhet fjalë për shtetas me të shkuar, me një lloj backround-i dhe përgatitje në fushën e krimit. Nuk janë persona të rekrutuar rastësisht. Janë të mirëpërgatitur, që e njohin këtë fushë, dhe dinë të kamuflohen si turistë. Entuziazmi që ka kaq shumë turistë s’duhet ta bëjë jo vigjilente Policinë Kufitare”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
