Fier / Të shtëna me armë drejt një lokali në plazhin e Semanit

Banorët e plazhit të Semanit në Fier janë terrorizuar pasditen e djeshme nga disa të shtëna me armë zjarri në drejtim të një lokali.

Policia thotë se në lidhje me ngjarjen është arrestuar autori Ilir Boriçi 41 vjeç, i dënuar më parë për armëmbajtje pa leje dhe një person tjetër si bashkëpunëtor. 

Në bregdetin e Semanit, shtetasi Ilir Boriçi, për motive të dobëta, ka qëlluar me armë zjarri në lokalin e shtetasit A.C, 23 vjeç, duke i shkatërruar sendet, pajisjet e lokalit.

Gjithashtu u bë arrestimi në flagrancë i shtetasit Artur Dinaj, 38 vjeç, banues në lagjen “Apollonia”, Fier (I dënuar më parë për “Armëmbajtje pa leje” dhe “Prishje të qetësisë publike”).

Arrestimi i këtij shtetasi u bë për veprat penale “Moskallëzim i krimit” dhe “Veprime që pengojnë zbulimin e së vërtetës”.

Në cilësinë e provës materiale  në vëndin e ngjarjes u gjetën dhe sekuestruan shtatë gëzhoja pistolete.