I dënuar për vjedhje në Greqi, i riu arrestohet në Gramsh

Një 31-vjeçar i dënuar për vjedhje në Gredqi ka përfunduar në prangat e policisë së Gramshit.

Burime policore bëjnë me dije se është arrestuar Altin Beqiri, 31 vjeç, banues në Gramsh.

Kapja dhe ndalimi i tij u bë pasi Gjykata e Rrethit Gjyqësor Elbasan i ka vendosur masën e sigurisë “Arrest në burg”, për efekt të njohjes dhe ekzekutimit në Shqipëri të vendimit të Gjykatës Apeluese të Krimeve të Rënda Aigaiou, Greqi, e cila e ka dënuar këtë shtetas me 7 vjet e 7 muaj burg, për veprat penale “Vjedhja”, “Kundërshtimi i punonjësit të policisë së rendit publik” dhe “Kalimi i paligjshëm i kufirit”.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.